SQO-da eki balyqshy sýǵa ketti
PETROPAVL. QazAqparat – Soltústik Qazaqstan oblysynda balyq aýlaýǵa ketken eki turǵynnyń denesi sýdan tabyldy, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, jedel-qutqarý jasaǵy 7 qarasha kúni kúndizgi 14:40 shamasynda Esil aýdanyndaǵy Osedloe eldi mekeninen 1 shaqyrymdaı jerde ornalasqan toǵannan eki adamnyń denesin alyp shyqty.
53 jáne 58 jastaǵy eki er adam kórshi Amangeldi aýylynyń turǵyndary eken. 6 qarasha kúni úıden balyq aýlaýǵa shyǵyp ketip, oralmaǵan. Mamandardyń aıtýynsha, olar qazanshuńqyrdan kıimderimen jáne jeke qutqarý quraldarynsyz tabyldy.
Bıyl sýǵa shomylý maýsymynda 12 adam sýǵa ketti. Sonyń jeteýi sýǵa shomylý kezinde qaza tapsa, taǵy úsheýi balyq aýlap júrip ajal qushqan. Sonymen qatar 24 adam qutqarylsa, sonyń 16-sy — bala.
