SQO-da eki balasyn qutqarmaq bolǵan er adam sýǵa ketti
PETROPAVL. QazAqparat – Soltústik Qazaqstan oblysynda ózen basyna barǵan otbasy úshin demalys qaıǵyly aıaqtaldy, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, Ǵabıt Músirepov aýdanynda 7 maýsym kúni saǵat 19.30 shamasynda 33 jastaǵy er adam sýǵa ketti. Ol otbasymen birge Efımovka eldi mekeniniń mańyndaǵy Esil ózenine demalýǵa barǵan.
«Otbasy demalýǵa barǵan jer sýǵa shomylýǵa arnalmaǵan. Soǵan qaramastan olar sýǵa shomylǵan. Bir mezette 12 jastaǵy qyzy men 10 jastaǵy uly sýǵa bata bastaǵan. Olardy qutqarýǵa umtylǵan er adamnyń ózi sýǵa ketti», - deıdi SQO Tótenshe jaǵdaılar departamenti bastyǵynyń orynbasary Nurlan Atyǵaev.
Qutqarýshylar, polıtseıler jáne jergilikti turǵyndar sol kúni-aq izdeý sharalaryn qolǵa aldy. Alaıda, onyń denesi tek búgin, tańǵy saǵat 10.20-da tabyldy. Aǵys 30 metr jerge alyp ketken. Ony súńgýirler alyp shyqty.
Qaıǵyly oqıǵaǵa dýshar bolǵan erli-zaıypty eki balasymen Novoıshım aýylynan demalýǵa kelgen eken.
Otbasy sýǵa shomylǵan jerden 300 metrge jýyq qashyqta resmı jaǵajaı bolǵan.
