SQO-da eki aılyq sábıdiń ólimine qatysty tergeý amaldary bastaldy
PETROPAVL. QazAqparat – Soltústik Qazaqstan oblysy Báıterek aýylynda eki aılyq sábıiń ólimi tirkeldi, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, oqys oqıǵa 7 mamyr kúni bolǵan. Qyzyljar aýdandyq polıtsııa bólimine tańǵy saǵat 8.05-te Báıterek aýylynda 30 naýryz kúni týǵan sábıdiń qaıtys bolǵany jaıynda habar túsedi.
Tártip saqshylary sábıdi qaraý kezinde eshqandaı dene jaraqatyn kórmegen. Balanyń denesi sot-medıtsınalyq saraptamaǵa jiberildi. Mamandar «Emshektegi sábıdiń kenetten bolǵan ólimi» dep qorytyndy shyǵardy.
Qaıtys bolǵan sábıdiń 25 jastaǵy anasynyń aıtýynsha, 6 mamyrdan 7 mamyrǵa qaraǵan túni ol tańǵy saǵat 5.00 shamasynda oıanyp, balasyn emizgen. Keıin uıyqtatyp, ózi de uıyqtaýǵa jatqan. Tańerteń saǵat 7.30 shamasynda oıanǵan ol balasynyń demalmaı jatqanyn kórgen. Týǵandary birden feldsherdi shaqyrǵan.
Qazir osy derek boıynsha tıisti tergeý amaldary júrgizilip, is jan-jaqty qaralyp jatyr.
