SQO-da eki áıel 82 jastaǵy zeınetkerdi soqqyǵa jyǵyp ketti
PETROPAVL. QazAqparat - Maǵjan Jumabaev aýdany Qaraqoǵa aýylynda eki áıel zeınetkerdi aıaýsyz soqqyǵa jyǵyp ketti, dep habarlady «QazAqparat» HAA tilshisi SQO ІІD baspasóz qyzmetine silteme jasap.
Olar 82 jastaǵy zeınetkerdiń úıine kirip, ár túrli zatty usynady. Kenetten egde áıelge bas salyp, odan aqsha talap etedi. Artynsha yza býǵan ekeýi zeınetkerdi soqqyǵa jyǵyp, onyń zattary men ámıánin jymqyryp ketti. Ornynan basyn áreń kótergen jábirlenýshi kórshisi arqyly polıtsııa shaqyrǵan.
Aýylda ornatylǵan kamera arqyly polıtsııa kapıtany Jandos Ǵabdrashıtov qyzyl tústi VAZ-2109 markaly kólikti anyqtap, AІІB bastyǵyna qońyraý shalady. Dereý ustaý sharalary qabyldanyp, bólimniń tergeý jedel toby jolǵa shyqty. Birneshe mınýttan keıin Chelıabi-Novosibir kúre jolynan kólik ustalady. Júrgizýshiden basqa onda 2 áıel jáne 6 jastaǵy qyz boldy. Bireýinen aqsha, al paketten zeınetkerdiń urlanǵan zattary tabyldy. Fakti QO QK 191-baby 2-bóligi boıynsha biryńǵaı sot aldy tergeý tizilimine engizildi. Qylmys izinshe ashyldy, - dedi polıtsııa basshysy. Baspasóz qyzmetinde iri saýda oryn ıelerimen taǵy 46 vıdeokamera ornatý týraly ýaǵdalastyqqa qol jetkizilgendigi atap ótildi. Jyl basynan bastap vıdeobaqylaý jelisiniń kómegimen aýdanda 12 qylmys ashylyp, 128 zań buzýshylyq anyqtaldy.
