SQO-da eki aıdan beri habarsyz ketken 47 jastaǵy er adamdy týystary izdep jatyr
PETROPAVL. QazAqparat – Soltústik Qazaqstan oblysynyń týmasy, 47 jastaǵy Murat Muhanjarovqa izdeý jarııalandy. Er adam sońǵy ret qazan aıynda týystarymen telefon arqyly baılanysqa shyqqan, sodan beri habar joq, dep habarlaıdy QazAqparat tilshisi.
Petropavl qalasynyń turǵyny Murat Muhanjarov ata-anasymen Chelıýskın, 52 mekenjaıynda turǵan.
Joǵalǵan kisiniń aǵasy Naýryzbaı Muhanjarovtyń aıtýynsha, tamyz aıynyń ortasynda ol úıinen jumys isteımin dep ketken.
47 jastaǵy er adam áıelinen ajyrasqan eken.
«Sońǵy ret qazan aıynyń basynda inime habarlasyp, Býlaevta qurylysta júrmin degen. Týǵan kúni 13 qazan. Sol kúni quttyqtaıyq dep, qońyraý shalǵanymyzda, telefony sóndirýli boldy. Toılap jatqan shyǵar dep mán bermedik. Sodan beri telefony sóndirýli. Mashınasyn minip ketken. Ony joldasynyń úıine qaldyryp ketken eken. Synyp turǵan mashınany alyp ket degesin, úıge ákelip qoıdyq. Máıithana, aýrýhanalardyń bárine habarlastyq. Býlaevqa baryp izdedik, kórgen adam bolmady», - deıdi Naýryzbaı Muhanjarov.
Týǵan-týystary ózderi izdep, nátıje bolmaǵannan keıin polıtsııaǵa aryz bergen. Nátıje joq.
Іz-túzsiz ketken Murat Muhanjarovtyń boıy shamamen 170 sm, qara kózdi, qara shashty.
Úıden jazǵy kıimmen ketken. Ózimen birge jeke kýáligi, avtokóliktiń qujattary bolǵan.
Joǵalǵan er adamdy kórgen-bilgender bolsa, 8 775 152 07 52, 8 775 631 48 11 nemese 102 nómirine habarlasa alady.
