SQO-da eki adamnyń denesi men arbada jatqan náreste oqıǵasy: adamdardy qaqqan júrgizýshi ustaldy
«8 tamyz kúni 39 jastaǵy Petropavl turǵynyn eki aıǵa qamaýǵa alý jóninde sanktsııa berdi»,-dep habarlady vedomstvonyń baspasóz qyzmeti.
Aıta keteıik, osyǵan deıin 5 tamyz kúni saǵat 23:40-ta SQO-nyń Maǵjan Jumabaev aýdandyq polıtsııa bóliminiń kezekshi bólimine Qaraqoǵa men Nadejka aýyldarynyń arasyndaǵy joldyń shetinde qımylsyz jatqan eki adamnyń jatqany týraly habarlama túskenin jazdyq.
Oqıǵa ornynan polıtsııa qyzmetkerleri osy aýdannyń 38 jáne 35 jastaǵy turǵyndaryn, er adam men áıel adamnyń denesin tapqanyn jazdyq. Sondaı-aq oqıǵa ornyna jaqyn jerde balalarǵa arnalǵan qolarbada jatqan kishkentaı bala tabyldy. Ol jedel járdem kóligimen ortalyq aýdandyq aýrýhanaǵa jetkizildi.
Avtokóliktiń júrgizýshisi, (kóliktiń ıesi) Petropavl qalasynyń 39 jastaǵy turǵyny ustaldy. Jaýap ala kele er adam eki jaıaý júrginshini qaǵyp ketkenin jáne oqıǵa ornynan ketip qalǵanyn aıtty. Júrgizilgen medıtsınalyq kýálandyrý Toyota Land Cruiser júrgizýshisiniń alkogoldik masań kúıde ekenin kórsetti.
