SQO-da eki júk kóligi soqtyǵysyp, bir júrgizýshi mert boldy
PETROPAVL. KAZINFORM – Jol-kólik oqıǵasy Soltústik Qazaqstan oblysynda «Astana-Petropavl» tas jolynda boldy.
Áleýmettik jelide taraǵan beınejazbadan eki júk kóliginiń betpe-bet soqtyǵysqanyn kórýge bolady.
SQO polıtsııa departamenti osy derekke qatysty túsinik berdi.
- Jol-kólik oqıǵasy búgin 7 naýryz kúni «Astana-Petropavl» tas jolynda, Astrahanka jáne Chapaevo eldi mekenderiniń mańynda boldy. MAN markaly eki júk kóligi soqtyǵysyp, saldarynan oqıǵa ornynda 32 jastaǵy júrgizýshilerdiń biri mert boldy. Qazir osy faktige baılanysty sotqa deıingi tergeý júrgizilip jatyr, - delingen habarlamada.
Qazir joldarda kóktaıǵaq. Jol-kólik oqıǵalarynyń aldyn alý úshin polıtseıler jolda júrý erejelerin qatań saqtaýdy, aýa raıyn eskerip, kóliktiń tehnıkalyq jaǵdaıyn tekserip otyrýdy eske saldy.
Buǵan deıin Aqmola oblysyndaǵy kenishte qaıǵyly oqıǵa bolǵanyn jazǵan edik.