SQO-da eki myń oqýshy kórshi aýyldyń mektebine kúndelikti baryp-kelip oqıdy

PETROPAVL. KAZINFORM — Soltústik Qazaqstan oblysynda bıyl 74 myń oqýshy mektepke barsa, sonyń 6,5 myńǵa jýyǵy 1-synypqa qabyldandy.

SQO bilim basqarmasy basshysynyń orynbasary Tatıana Protopopovanyń aıtýynsha, jańa oqý jylynda 444 mektep jumys isteıdi. 

— 279 eldi mekenniń oqýshylary úshin mektepke jetkizý uıymdastyrylady. Onyń ishinde 2 075 oqýshy kúndelikti, al 932 oqýshy apta saıyn tasymaldanatyn bolady. Qazirgi ýaqytta 150 avtokólik bar. Avtoparkti jańartý maqsatynda bıyl qosymsha 8 avtokólik satyp alyndy, — deıdi Tatıana Protopopova.

Óńirdegi 24 kolledjde bıyl 11 myń adam oqymaq. Memlekettik tapsyrys boıynsha 1-kýrsqa 3 700-ge jýyq talapker alynady, olardyń ishinde jumysshy mamandyqtarǵa — 1 870 adam, al orta býyn mamandaryna (11 synyp negizinde) — 1 500 adam qabyldanady.

— Búgingi tańda 3 900 ótinish kelip tústi. Pedagogıkalyq, medıtsınalyq, shyǵarmashylyq mamandyqtar jáne orta býyn mamandaryn daıarlaý boıynsha qabyldaý aıaqtaldy, al jumysshy mamandyqtar boıynsha ótinishterdi qabyldaý 27 tamyzda aıaqtalady, — deıdi basqarma basshysynyń orynbasary.

Buǵan deıin jańa oqý jyly aldynda mektep mańyndaǵy qaýipsizdik qatań tekseriletindigin jazǵan edik.