SQO-da eki qarjy pıramıdasy boıynsha sotqa deıingi tergeý júrip jatyr
Soltústik Qazaqstan oblysynda «Chia Tai-Tianqing Pharmaceutical» jáne «Qnet» qarjy pıramıdalarynan 100 adam zardap shekti. Qazirgi ýaqytta sotqa deıin tergeý júrip jatyr, dep habarlaıdy Kazinform.
SQO boıynsha ekonomıkalyq tergeý departamentiniń málimetinshe, kúmándi operatsııalarǵa aqsha salatyn azamattardyń sany jyldan jylǵa artyp keledi. Bıyl departament Hermes Ltd qarjy pıramıdasynyń qurylymdyq bólimshesi boıynsha materıal jınap, sot úkimi shyqty. 15 adam zardap shekken, olar 15 mln 600 myń teńge salǵan.
Qazirgi ýaqytta «Chia Tai-Tianqing Pharmaceutical» qarjy pıramıdasyn qurý jáne basqarý faktisi boıynsha sotqa deıingi tergeý júrip jatyr. Bul uıym bıylǵy qańtar men sáýir aralyǵynda el aýmaǵynda jumys istegen. «Shia Tai-Tianqing» ınvestıtsııalyq kompanııasynyń uıymdastyrýshylary áleýmettik jeli arqyly salymshy tartyp otyrǵan. Sotqa deıingi tergep-tekserý barysynda SQO aýmaǵynda bul qarjy pıramıdasyna 27 adamnyń jalpy sany 22 mln 700 myń teńgeden astam aqsha salǵandyǵy anyqtaldy. Sondaı-aq «Qnet» qarjy pıramıdasynyń óńirlik bólimshesi boıynsha qylmystyq is tergelip jatyr. Polıtsııanyń burynǵy qyzmetkerleri Malaızııada tirkelgen «Qnet» halyqaralyq kompanııasynyń fılıalyn ashyp, áreket etken.
SQO turǵyndary «Qnet» kompanııasynyń táýelsiz ókili retinde tirkelý jáne saıahatshy kartasyn satyp alý úshin 600-den 800 myń teńgege deıingi mólsherde, sondaı-aq keńseni jalǵa alý úshin 40 myń teńgeden jarna tóleýge tıis bolǵan. Alaıaqtarǵa 73 adam 82 mln teńge aqshany berip qoıǵan. Fınmonıtorıng agenttiginiń derekteri boıynsha, Qazaqstandaǵy qarjy pıramıdalarynyń qurbandary ádette 31 jastan 60 jasqa deıingi adamdar. Zardap shekkenderdiń jalpy sannyń 74%-y jumys isteıdi, 62%-ynyń joǵary bilimi bar.
