SQO-da eki basqarmanyń basshysy aýysty
PETROPAVL. KAZINFORM – Soltústik Qazaqstan oblysy balalardyń quqyqtaryn qorǵaý basqarmasynyń basshysy bolyp Mafrýza Naýanova jáne Qurylys, sáýlet jáne qala qurylysy basqarmasynyń basshysy bolyp Qosym Ańsatbaev taǵaıyndaldy.
Mafrýza Naýanova 1975 jyly dúnıege keldi. SQO týmasy. Shoqan Ýálıhanov atyndaǵy Kókshetaý pedagogıkalyq ınstıtýtyn jáne Kókshetaý ekonomıka jáne menedjment ınstıtýtyn «Matematıka jáne ınformatıka», «Ekonomıka» mamandyqtary boıynsha támamdaǵan.
Eńbek jolyn Aıyrtaý aýdanynyń Volodar orta mektebinde muǵalim bolyp bastaǵan. Ár jyldary Aıyrtaý aýdany ákimi apparatynda bas maman, bólim basshysy qyzmetterin atqardy. Sondaı-aq ishki saıasat, mádenıet jáne tilderdi damytý salalaryndaǵy aýdandyq jáne qalalyq bólimderdi basqardy.
Keıin Aıyrtaý aýdany ákiminiń orynbasary, SQO bilim basqarmasynyń qorǵanshylyq, qamqorshylyq jáne tárbıe jumysy bóliminiń basshysy qyzmetterin atqardy.
Osy taǵaıyndaýǵa deıin SQO Mádenıet, tilderdi damytý jáne arhıv isi basqarmasy basshysynyń orynbasary qyzmetin atqardy.
Al Qurylys, sáýlet jáne qala qurylysy basqarmasynyń basshysy bolyp kelgen Qosym Ańsatbaev 1981 jyly týǵan, Túrkimenstan Respýblıkasynyń týmasy.
Qazaq gýmanıtarlyq zań ýnıversıtetin, «Bolashaq»ýnıversıtetin jáne «Halyq sharýashylyǵy» ýnıversıtetin «ıÝrısprýdentsııa», «Qurylys jáne iskerı ákimshilik etý» mamandyqtary boıynsha támamdaǵan.
Ár jyldary Qyzylorda oblysynyń Saýda jáne memlekettik satyp alý basqarmasynda, Kásipkerlik jáne ındýstrııa departamentinde jetekshi maman, bas maman bolyp qyzmet atqardy.
Keıin osy óńirdiń Sáýlet-qurylys baqylaý jáne lıtsenzııalaý departamentinde bólim basshysy, basshynyń orynbasary, basshysy, Qyzylorda oblysynyń qalalyq qurylys baqylaý basqarmasy basshysynyń orynbasary, Qyzylorda qalasy ákiminiń orynbasary qyzmetterin atqardy. Sondaı-aq Astana qalasyndaǵy Normalaý jáne qurylys ortalyǵynyń dırektory, Aqparattyq modeldeý ortalyǵy dırektorynyń orynbasary boldy.
Osy taǵaıyndaýǵa deıin jeke kompanııada tehnıkalyq ekonomıkalyq negizdeme jáne saraptama jónindegi úılestirýshi bolyp qyzmet etti.
Buǵan deıin BQO-daǵy veterınarııalyq baqylaý ınspektsııasyna jańa jetekshi kelgenin jazǵan edik.
