SQO-da eki balyqshy 1,2 mln teńgege jýyq aıyppul tóleýleri múmkin

PETROPAVL. KAZINFORM — Petropavl qalasynyń eki turǵyny kólden balyqty tyıym salynǵan tásil — elektr togyn qoldanyp aýlaǵan. 

Soltústik Qazaqstan oblysy Qyzyljar aýdandyq polıtsııa bóliminiń málimetinshe, oqıǵa 20 tamyzǵa qaraǵan túni Penkovo aýylynyń mańynda, Beloe kólinde bolǵan. Petropavl qalasynyń eki turǵynyn elektr togyn paıdalanyp zańsyz balyq aýlap jatqan jerinen tártip saqshylary ustaǵan. 

Olar endi Qylmystyq kodeksiniń 335-baby 1-bóligi 2-tarmaǵy — «balyq resýrstaryn, basqa da sý janýarlaryn nemese ósimdikterdi elektr togyn qoldana otyryp zańsyz óndirý» boıynsha jaýap beredi. 

Polıtseılerdiń aıtýynsha, bul qylmystyq quqyq buzýshylyq úshin 3 myń AEK, ıaǵnı 1 180 myń teńge shamasynda aıyppul nemese sol mólsherde túzeý jumystary; nemese qoǵamdyq jumystarǵa 800 saǵatqa deıin tartý qarastyrylǵan. Tipti úsh jylǵa deıingi merzimge bas bostandyǵy shektelip nemese múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan bes jylǵa deıingi merzimge jáne úsh jylǵa deıin bas bostandyǵynan aıyrylýy múmkin.

Buǵan deıin SQO-da ákimdiktiń burynǵy qyzmetkerleri 46 mln teńge jymqyrǵanyn jazǵan edik.