SQO-da eki aı ishinde 160-qa jýyq adam janýarlardan zardap shekken

PETROPAVL. KAZINFORM – Soltústik Qazaqstan oblysynda eki aıda 99 adamdy ıt qapsa, sonyń 52 paıyzynda turǵyndardy qańǵyrǵan ıtter talaǵan.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, bıyl 158 adam antırabııalyq kómekke júgindi, bul ótken jyldyń uqsas kezeńimen salystyrǵanda 3,6% tómen.

Iesiz ıtterdiń kóbeıýine baılanysty oblystyń birqatar aýdandarynda ıt qaýyp, medıtsınalyq kómekke júgingen turǵyndar sany artqan. Máselen Aqjar aýdanynda 6 adam zardap shekken, Qyzyljar aýdanynda osyndaı 14 jaǵdaı tirkelgen. Petropavlda jábirlenýshiler sany 14-ke artyp, 89 adam medıtsınalyq kómekke júgindi.

Zardap shekkenderdiń 99-yn ıt qapqan, bul barlyq oqıǵalardyń 62,6%, 49 jaǵdaıda adamdardy mysyq tyrnap, talasa, 10 adamǵa tyshqan-egeýquıryqtar, tıinder shapqan.

Antırabııalyq kómekke júginýdiń barlyq jaǵdaılary boıynsha epızootologııalyq-epıdemıologııalyq tergeý júrgizildi. Medıtsınalyq kómekke júgingenderdiń barlyǵyna – 158 adamǵa vaktsına taǵaıyndaldy. Onyń ishinde antırabııalyq vaktsına – 83 adamǵa, ımmýnoglobýlın jáne antırabııalyq vaktsına – 75 zardap shegýshige egildi.

Janýarlar qaýyp-talaǵan adamdardyń 38% - aýyl turǵyny.

Buǵan deıin Óskemende qańǵyrǵan ıtterdiń kóbeıip, saldarynan bir aptada 11 adamdy ıt talaǵanyn jazǵan edik.