SQO-da eki aýyldyń arasyn qosqan kópir synyp, júk kóligi ózenge túsip ketti

PETROPAVL. KAZINFORM – Soltústik Qazaqstan oblysynda eki aýyldy jalǵaǵan kópir júk kóligin kótere almaı synyp ketti. Saldarynan bıdaı artylǵan aýyr mashına ózenge túsip ketti.

Áleýmettik jelide kýágerler bul oqıǵanyń Ǵ.Músirepov atyndaǵy aýdanda bolǵanyn aıtty. Shaǵyn kópir Birlik aýylynyń turǵyndaryn kelesi betke ótkizip turǵan. Alaıda bıdaı artqan «Shacman» kóligin kótere almaı, synyp ketken. Endi aýyl turǵyndary tóte jolsyz qalyp otyr. https://www.instagram.com/p/DDtyGLKMvSv/

Ǵ.Músirepov atyndaǵy aýdannyń ákimdigi osy oqıǵaǵa qatysty túsinik berdi.

- «ES Global Agro» JShS kúshimen Birlik pen Nejınka eldi mekenderin qosatyn ótkel jóndelgen edi. Joldy qysqartý maqsatynda júk tıelgen «Shacman» osy ótkelmen ótpek bolǵan. Saldarynan ótkel synyp ketip, júk kóligi aýdaryldy. Zardap shekkender joq. Qazirgi ýaqytta júk avtokóligin súırep shyǵarý jumysy júrgizil. Sodan keıin ótkeldi qalpyna keltirý jumystary bastalady. Sondaı-aq, kópir qurylysyna jobalyq-smetalyq qujattama ázirlengenin habarlaımyz. Qazirgi ýaqytta ol memlekettik saraptamadan ótkizilip jatyr, - delingen ákimdik jaýabynda.

Ǵ.Músirepov aýdandyq polıtsııa bóliminiń qyzmetkerleri oqıǵanyń barlyq mán-jaılaryn anyqtaý jáne protsestik sheshim qabyldaý úshin tergeýdi bastady.

- Nejınka – Birlik aýyldary arasyndaǵy Esil ózeni arqyly ótetin kópirde bıdaı tıelgen «Shacman» avtokóliginiń 56 jastaǵy júrgizýshisi rýlge ıe bola almaı qalǵan. Saldarynan kólik aýdarylyp, Esil ózenine qulady, - delingen polıtsııa habarlamasynda.

Posmotret etý pýblıkatsııý v Instagram

Pýblıkatsııa ot Vasılıı Smırnov (@skopetro)

Buǵan deıin kolledj stýdenti 1-kýrstyń jigitterin qorqytyp, aqsha alǵany úshin sottalǵanyn jazǵan edik.