SQO-da eki alaıaq 37 adamdy aldap, 100 mln astam teńgeni qaltaǵa basqan

PETROPAVL. KAZINFORM – Soltústik Qazaqstan oblysynyń apelıatsııalyq alqasy eki alaıaqqa qatysty shyǵarylǵan úkimdi ózgerissiz qaldyrdy.

Bıyl sáýir aıynda Petropavl qalasynyń soty eki jáne odan da kóp adamǵa qatysty asa iri mólsherde alaıaqtyq jasaý isi boıynsha úkim shyǵardy Qylmyskerler 37 adamdy aldap, olardyń senimine kirip, aldyn ala sóz baılasý arqyly 100 mln teńgeden astam materıaldyq shyǵyn keltirgen.

Sotta bultartpas dálelder bolǵanymen, sottalýshylar jasalǵan qylmystarǵa kinásin joqqa shyǵardy, istegen iske ókinbedi. 

Jábirlenýshiler olardyń is-áreketterin adamdardyń senimine kirýge qabiletti, jaqsy manıpýlıatorlar dep sıpattady jáne sottan «B» jáne «T» bas bostandyǵynan aıyrýdy surady. 

Petropavl qalalyq soty prokýratýranyń pikirimen kelisip, bireýin - 6,8 jáne ekinshisin 6 jylǵa bas bostandyǵynan aıyrdy, olardan keltirilgen materıaldyq zııandy óndirip aldy. 

SQO-nyń apellıatsııalyq alqasy «B» jáne «T» sottalǵandarǵa qatysty úkimdi ózgerissiz qaldyrdy. Úkim zańdy kúshine endi.

Buǵan deıin SQO-da 74 mektepte tyıym salynǵan kontentke qol jetkizýge tosqaýyl qoıylǵanyn jazǵan edik.