SQO-da egis alqabyn dárilegen mehanızator qaıtys boldy
PETROPAVL. KAZINFORM — Soltústik Qazaqstan oblysynda 46 jastaǵy er adam kóz jumǵan jazataıym oqıǵaǵa baılanysty tergeý bastaldy.
Oqıǵa 14 maýsym kúni Tımırıazev aýdany Lenın aýyldyq okrýgindegi «Qazaqstan Bıdaıy» JShS-niń egis alqabynda bolǵan.
SQO boıynsha Memlekettik eńbek ınspektsııasy departamentiniń málimetinshe, mert bolǵan er adam Ǵ.Músirepov atyndaǵy aýdannyń Novoselovka eldi mekeniniń turǵyny. Sharýashylyqta mehanızator bolyp eńbek etken ony sol kúni saǵat 10.00 shamasynda alqapty hımııalyq dárileýge ákelgen.
Al saǵat 23.00 shamasynda jaǵdaıy kúrt nasharlap, áriptesi jedel járdem shaqyrtqan. Ýaqyt ótkizbeý úshin ol er adamdy kóligine otyrǵyzyp, jolǵa qaraı shyǵady. Jedel járdem brıgadasy onyń ómirin saqtap qalýǵa áreket etkenimen, nátıje bermeı, er adam sol jerde kóz jumdy.
Qaıtys bolý sebebin anyqtaý maqsatynda marqumnyń denesi sot-medıtsınalyq saraptamaǵa jiberildi.
Qazir osy oqıǵa boıynsha óndiristegi jazataıym jaǵdaıdyń mán-jaıyn jan-jaqty anyqtaý úshin Memlekettik eńbek ınspektsııasy departamentiniń arnaıy komıssııasy qurylyp, arnaıy tergeý jumystary júrgizilip jatyr.
Buǵan deıin Batys Qazaqstanda jol apatynan eki áıel adam kóz jumǵanyn jazǵan edik.
