SQO-da egistiktiń jartysynan astamyna dán sebildi
PETROPAVL. QazAqparat - Soltústik Qazaqstan oblysynda egin salý naýqany júrip jatyr, dep habarlaıdy QazAqparat tilshisi.
Aýyl sharýashylyǵy basqarmasynyń málimetterine qaraǵanda, dúısenbige deıin sharýalar astyq egiletin alqaptyń 54%-yna, al maıly daqyldar egiletin jerdiń 64%-yna egin salyp úlgergen. Sońǵy kúnderi eginshiler 33 myń gekter jerge dándi daqyldar, 13 myń gektarǵa maıly baqyldar sepken.
Ótken aptada QR Premer-Mınıstriniń orynbasary, aýyl sharýashylyǵy mınıstri Ómirzaq Shókeev at basyn burǵan bolatyn. Oblys ákiminiń birinshi orynbasary Aıdarbek Saparov egin salý naýqany týraly áńgimelep, kún raıy jaıly bolsa, kóktemgi egin salý jumystary merziminen keshikpeı oryndalatynyn jetkizdi.
Eske salaıyq, Soltústik Qazaqstan oblysynda egin salý naýqany 15 mamyrda bastalǵan. Bıyl óńirdegi jalpy egin salynatyn jer 4,1 mıllıon gektardy quraıdy. Sonyń ishinde 2,7 mıllıon gektarǵa astyq, 1 mıllıon gektarǵa maıly daqyldar sebiledi.
Bıylǵy egis naýqanyna 13 myń traktor, 16 myń tuqym sepkish, 1147 zamanaýı egis kesheni jumyldyrylǵan.
Foto: t-l.ru
