SQO-da egis alqaby bar agroqurylymdarǵa mal ustaý mindettelmek
PETROPAVL. QazAqparat – Soltústik Qazaqstan oblysynda 226 mlrd teńgeniń 34 ınvestıtsııalyq jobasy júzege asyrylyp jatyr. Onyń 10-ǵa jýyǵy aýyl sharýashylyǵy salasyn damytýǵa baǵyttalǵan, dep habarlaıdy QazAqparat tilshisi.
SQO Aýyl sharýashylyǵy basqarmasynyń habarlaýynsha, óńirde 5496 agroqurylym bolsa, sonyń tek 1058-i, ıaǵnı 19% ǵana mal sharýashylyǵymen aınalysady.
«Búginde et óndirýdiń artyqshylyǵy kóp. Úlken aýylsharýashylyq alqaptary bolǵanymen sony tıisti deńgeıde paıdalana almaı otyrǵandar bar. Eginshilikpen aınalysatyndarǵa mal sharýashylyǵyn qosa júrgizýdi zań júzinde mindetteý kerek degen pikirdemin. Máselen, astyqty ólkede sharýanyń 1 myń gektar egis alqaby bolsa, ol shaǵyn ferma ashyp, 100 bas iri qara mal ustaýy tıis. Biz qazir Úkimetpen jańa mehanızm qurý jóninde jumys atqaryp jatyrmyz. Endi sýbsıdııa alý úshin agroqurylymda mindetti túrde mal bolýy kerek. Tipti, memlekettik kómek ósimdik sharýashylyǵyna baǵyttalǵan jaǵdaıda da, mal sany esepke alynady», - deıdi oblys ákimi Qumar Aqsaqalov.
Oblysta sút óndirisine de basymdyq berilgen. Byltyr sharýashylyqtarda tsıfrlyq úsh sút fermasy ashylsa, bıyl taǵy 10-y paıdalanýǵa berilmek. Jospar boıynsha aǵymdaǵy jyly 590,4 myń tonna sút óndirý mindeti tur. Bul, ótken jylmen salystyrǵanda 4% artyq.
Budan basqa, respýblıkaǵa tanymal brend - «Maslodel» kásiporny jańa jelini iske qosyp, sút, qaımaq pen aırannyń jańa túrlerin shyǵarýdy josparlaǵan. Investıtsııa kólemi – 4 mlrd teńge. Nátıjesinde oblysta jylyna 550 myń tonna sút óndiriledi. Bul óńir turǵyndarynyń qajettiliginen 11,8 ese artyq.
Qyzyljar aýdanynyń Glýbokoe eldi mekeninde etti baǵyttaǵy qus fermasynyń qurylysy júrip jatyr. ıAkor qus fabrıkasy da bıyl jańǵyrtylyp, 100 mln jumyrtqanyń ornyna jylyna 150 mln dana shyǵaratyn bolady.
