SQO-da ІІ Dúnıejúzilik soǵystyń sońǵy ardageri ómirden ótti
PETROPAVL. KAZINFORM — Soltústik Qazaqstan oblysynda soǵys ardageri Fedov Şeglov ómirden ozdy.
Bul týraly oblys ákimi Ǵaýez Nurmuhambetov áleýmettik jelidegi paraqshasynda habarlady.
Maıdanger sanaýly kúnnen keıin 99 jasqa tolar edi.
— Fedor Vasılevıchtiń ómiri — tózimdiliktiń, adaldyqtyń jáne Otanǵa sheksiz súıispenshiliktiń aıqyn úlgisi. Ol áskerı jolyn 17 jasynda bastap, 371-shi atqyshtar dıvızııasynyń quramynda aýyr jyldardy ótkerdi. Soǵystan keıin qurylys salasynda eńbek etip, beıbit zamanda da elge adal qyzmetin jalǵastyrdy.
Jyl saıyn men Fedor Vasılevıchke baryp turatynmyn. Onyń áńgimeleri — danalyqqa, Otanǵa degen sheksiz súıispenshilikke toly edi. Sol estelikter árdaıym júregimizde saqtalady.
Jaqyndaryna qaıǵyra kóńil aıtamyn. Fedor Vasılevıchtiń erligi, eńbegi jáne jarqyn beınesi soltústikqazaqstandyqtardyń jadynda máńgi saqtalady, — dep jazdy SQO ákimi.
Fedor Şeglov — ІІ Dúnıejúzilik soǵysta bolǵan, jeńisti jaqyndatýǵa úles qosqan óńirdegi sońǵy ardager.
Buǵan deıin Tarazda 105 jasqa qaraǵan shaǵynda Ekinshi dúnıejúzilik soǵys ardageri, maıdanger Grıgorıı Neşeretnev dúnıeden ótkenin jazǵan edik.