SQO-da dúken men qoıma túgel órtenip ketti
SOLTÚSTІK QAZAQSTAN OBLYSY. QazAqparat - SQO Maǵjan Jumabaev aýdanynda dúken men qoıma órtenip ketti, dep habarlaıdy QazAqparat tilshisi QR ІІM TJK baspasóz qyzmetine silteme jasap.
«25 sáýir kúni saǵat 22:47-de Soltústik Qazaqstan oblysy M.Jumabaev aýdany Býlaevo aýylynda qurylys materıaldarynyń qoımasyna qosyla salynǵan «Blıznetsy» dúkeniniń órtenip jatqany týraly habarlama kelip túsken. Órt dúkenniń 70 sharshy metr aýmaǵyn ala taralyp, aqyry 430 sharshy metrlik qurylys materıaldary turǵan qoımany sharpyǵan», - delingen komıtettiń habarlamasynda.
Órt osylaısha jalpy 500 sharshy metrge jaıylyp, órt sóndishýler tilsiz jaýmen arpalysyp jatqan ýaqytta 4 ottegi balony jarylǵan.
«Órt sóndirý qyzmetiniń kúshimen tilsiz jaý túngi saǵat 02.22 kezinde aýyzdyqtaldy. Kóz jumǵandar nemese jaraqat alǵandar joq. Órttiń shyǵý sebebi qazir anyqtalý ústinde. Órtti sóndirýge oblystyq TJD-nyń jeke quramynan 2 adam men 5 arnaıy tehnıka jumyldyrylǵan», - delingen habarlamada.
