SQO-da dinı materıaldardy taratýshy aıyppul tóleıdi
SQO Polıtsııa departamenti baspasóz qyzmetiniń málimetinshe, Petropavldyń 30 jastaǵy turǵyny WhatsApp messendjerindegi statýsyna dinı sıpattaǵy fotosýretterdi jıi qoıyp otyrǵan. Ekstremızmge qarsy is-qımyl basqarmasynyń mamandary áleýmettik jelilerge monıtorıng jasaý barysynda anyqtap, QR Ákimshilik quqyq buzýshylyqtar týraly kodeksiniń «QR dinı qyzmeti jáne dinı birlestikteri týraly zańnamasyn buzý» baby boıynsha óndiris qozǵady. Saraptama qorytyndysynan keıin jınalǵan materıal sotqa joldandy.
Petropavl qalasy mamandandyrylǵan ákimshilik sotynyń qaýlysymen er adamǵa 35 AEK mólsherinde aıyppul tóleý túrindegi jaza taǵaıyndaldy.
«Dinı senim erkindigi zańǵa qaıshy kelmeýi tıis. Arnaıy materıaldardy shirkeýlerde, meshitterde jáne dinı baǵyttaǵy bilim berý uıymdarynda ne jergilikti atqarýshy organ bergen tıisti ruqsaty bar kitap dúkenderinde ǵana taratýǵa bolady. Dinı kitaptardy jeke kitaphanadan ne basqa joldarmen taratýǵa tyıym salynǵan. Soltústikqazaqstandyqtardy zańnama talaptaryna muqııat bolýlaryn suraımyz», - deıdi SQO PD EQІQB bastyǵy Rýslan Jarasbaev.
SQO-da dinı mazmundaǵy ádebıetti satýǵa ruqsaty bar dúkenderdiń sany - 15, onyń 14-i Petropavlda, bireýi Aıyrtaý aýdanynyń ortalyǵy Saýmalkól aýylynda ornalasqan.
