SQO-da demalys kúnderi meshitter men shashtarazdar jumys istemeıdi

PETROPAVL. QazAqparat – Soltústik Qazaqstan oblysynda demalys kúnderi karantın shekteýi saqtalǵanymen, bul joly qoǵamdyq kólik júretin boldy, dep habarlaıdy QazAqparat tilshisi.

SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, osy senbi-jeksenbi kúnderi óńirde karantın rejımi azdap jeńildetilmek. ıAǵnı avtobýs qozǵalysy shektelmeıdi, sondaı-aq qoǵamdyq monshalardyń jumys isteýine de ruqsat bar. Tek sanıtarlyq talaptar saqtalýy tıis.

Alaıda, azyq-túlik, qurylys materıaldaryn satatyn saýda oryndary men dárihanalardan basqasynyń jumysy ýaqytsha toqtatylady. Jumysy shektelgenderdiń ishinde shashtarazdar, sulýlyq salondary, kosmetologııalyq qyzmet kórsetetin ortalyqtar, fıtnes-ortalyqtar, basseınder, saýnalar men sporttyq-saýyqtyrý ortalyqtary bar.

Demalys kúnderi dinı nysandar, bilim ortalyqtary, túzetý kabınetteri, attraktsıondar jumys istemeıdi.

«Qazirgi ýaqytta karantın rejımi birtindep jeńildetilip jatyr. Biraq soǵan qaramastan halyqty áleýmettik araqashyqtyq saqtaýǵa, maska taǵyp, óziniń jáne aınalasyndaǵylardyń densaýlyǵyn saqtaýǵa shaqyramyz», - deıdi departament mamandary.

SQO-da 4 qyrkúıektegi málimet boıynsha koronavırýs ınfektsııasyn juqtyrýdyń 3971 deregi tirkelgen. Onyń 3915-i táýir boldy, bul - 98%. 19 adam kóz jumdy.