SQO-da demalys kúnderi karantın kúsheıtiledi
PETROPAVL. QazAqparat – Soltústik Qazaqstan oblysynda aldaǵy demalys kúnderi karantın talaptary kúsheıtiledi, dep habarlaıdy QazAqparat tilshisi.
SQO-nyń bas sanıtarııalyq dárigeri Serikbaı Qasmaqasovtyń jańa qaýlysy boıynsha demalys kúnderine shekteý sharalary 15 tamyz kúni saǵat 00.00-de kúshine enip, 17 tamyz saǵat 00.00-ge deıin jalǵasady.
Bul jolǵy qaýlyda ózgeris bar. Meıramhana men dámhanada taǵamdy tapsyrys boıynsha jetkizýmen qatar, kelýshilerge ózimen alyp ketýge salyp bere alady. Sondaı-aq aýyl sharýashylyǵy tehnıkasynyń bólshekterin satatyn dúkenderge jumys isteýge ruqsat berilgen.
Budan basqa azyq-túlik jáne dári-dármek satatyn saýda oryndarynan basqasy, bazarlar, demalys oryndary men monsha-saýnalar, saıabaqtar, týrızm jáne sport nysandary jumysyn toqtatady.
Óńir turǵyndaryna otbasylyq merekelerdi ótkizýge, toı-tomalaqqa barýǵa, týǵan-týys, dos-jarandaryn aralaýǵa tyıym salynǵan.
Jalpy bul kúnderi jumysqa barýǵa, jaqyn mańdaǵy azyq-túlik dúkenderi men dárihanalarǵa barýǵa jáne aýlada úı janýarlaryn serýendetýge ǵana shyǵýǵa ruqsat berilgen.
Qala, eldimekender ishinde, sondaı-aq saıajaılarǵa baratyn qoǵamdyq kólikterdiń jumysy ýaqytsha toqtatylady.
Aıta keteıik, SQO-da ótken táýlikte 33 adamda koronavırýs belgileri anyqtalsa, 41 naýqas táýir boldy. Jalpy naýryz aıynan beri óńirde qaýipti indettiń 3641 jaǵdaıy tirkelse, 2527 adam emdelip shyqty. 17 adam qaıtys boldy.
