SQO-da demalys kúnderi karantın qaıta kúsheıtiledi
SQO-nyń bas sanıtar dárigeri Serikbaı Qasmaqasov karantındi kúsheıtýge qatysty qaýlyǵa qol qoıdy. Jańa qaýly boıynsha 24 shilde saǵat 00.00-den bastap 27 shilde saǵat 00.00-ge deıin jáne 31 shilde saǵat 00.00-den bastap 3 tamyz saǵat 00.00-ge deıin oblys boıynsha, sonyń ishinde eldimekender ishinde júrýge shekteý qoıylady.
Úıden tek jumysqa baryp-kelýge, jaqyn mańdaǵy azyq-túlik dúkeni men dárihanaǵa barýǵa jáne úı janýarlaryn aýlada serýendetýge ǵana shyǵýǵa bolady. Otbasylyq is-sharalarǵa, qonaq shaqyrýǵa, barýǵa tyıym salyndy.
Demalys kúnderi barlyq bazarlar, saýda jáne qoǵamdyq tamaqtaný oryndary, jazǵy dámhanalar jumys istemeıdi. Meıramhanalar men dámhanalar tek daıyn taǵamdy jetkizip berýmen shekteledi.
Oblystaǵy barlyq saıabaqtar men baqtar jabyq bolady. Týrızm nysandaryna jańadan demalýshylardy qabyldaýǵa tyıym salyndy. Sondaı-aq bul kúnderi qoǵamdyq kólikter júrmeıdi jáne qyzmet kórsetý ortalyqtary jumys istemeıdi.
Taksı qyzmeti sanıtarlyq talaptardy qatań oryndaı otyryp qana jolaýshy tasymaldaýǵa quqyly. ıAǵnı, taksı júrgizýshisi mindetti túrde maska taǵyp, qolǵap kııýi qajet, ár jolaýshydan keıin kólikti zararsyzdandyrýy kerek. Eki adamnan artyq jolaýshy ala almaıdy, biraq bul – bir otbasy múshelerine qatysty emes.
Eki kúnniń ishinde oblys boıynsha barlyq balalar jáne sport alańdary, kóppáterli úılerdiń kireberisteri zararsyzdandyrylyp, kásiporyndar ózderinde dezınfektsııalyq preparattarmen tazalaý jumystaryn júrgizedi.