SQO-da demalys kúnderi 1300-den astam quqyq buzýshylyq tirkeldi
SQO polıtsııa departamenti baspasóz qyzmetiniń málimetinshe, «Quqyqtyq tártip» jedel-profılaktıkalyq is-sharasy 11 jeltoqsan bastalyp, 3 kúnge sozyldy. Operatsııaǵa polıtsııa qyzmetkerleri men áskerı qyzmetshiler - barlyǵy 630-dan astam qyzmetker jumyldyryldy. Qoǵamdyq tártipti qadaǵalaýǵa baǵyttalǵan is-sharada qylmystar men quqyq buzýshylyqtardy anyqtaý men jolyn kesýge basty ekpin berildi.
Oblys aýmaǵynda juma men jeksenbi kúnderi aralyǵynda 28 qylmys tirkelgen, onyń 23-i táýlik ishinde ashyldy. 1358 ákimshilik quqyq buzýshylyq tirkeldi. Onyń 232-si – spırttik ishimdik ishý nemese qoǵamdyq oryndarǵa mas kúıde kelýge qatysty. 51 fakti – otbasyndaǵy janjal boıynsha jáne 50 fakti tynyshtyqty buzýmen baılanysty boldy.
SQO PD bastyǵynyń birinshi orynbasary Qanat Aıtbaevtyń aıtýynsha, jol qozǵalysy qaýipsizdigin qamtamasyz etýge erekshe kóńil bólingen. Jyldamdyqty asyrǵany úshin 85 júrgizýshi, qozǵalystyń qarsy baǵytyna shyqqan 6 júrgizýshi ákimshilik jaýapkershilikke tartyldy. Jaıaý júrginshilerdi ótkizbegen 19 júrgizýshi de jazalandy. Jol erejesin buzǵan 249 jaıaý júrginshi anyqtaldy. Budan basqa, úsh kún ishinde 23 mas júrgizýshi ustaldy.