SQO-da demalys ornynda shyqqan orman órti der kezinde sóndirildi

ASTANA. KAZINFORM – Soltústik Qazaqstan oblysy Aıyrtaý aýdanynyń aýmaǵynda ornalasqan demalys oryndarynyń birinde orman tósenishiniń órti tirkeldi, dep habarlaıdy Tótenshe jaǵdaılar mınıstrligi.

Tabıǵı órtti sóndirýge Tótenshe jaǵdaılar mınıstrliginiń kúshteri, orman sharýashylyǵy qyzmetkerleri, sondaı-aq mınıstrlikke qarasty tikushaq jumyldyryldy.

- Órt taýly jáne qıyn jer bederinde shyqqandyqtan, sóndirý jumystary birshama kúrdeli boldy, - dep jazdy vedomstvodan.

Mınıstrliktiń málimetinshe, qutqarý bólimsheleri men orman kúzetiniń jedel ári úılestirilgen is-qımyldarynyń arqasynda órt bastapqy damý kezeńinde sóndirilgen. Bul onyń keńinen taralýyna jol bermedi.

Aıta keteıik, tótenshe jaǵdaı týyndaǵan jaǵdaıda azamattar 112 nómirine qońyraý shalýy qajet.

Eske salaıyq, Óskemende shyqqan órt ǵımarattyń 2450 sharshy metr aýmaǵyn sharpydy.