SQO-da daýyl turyp, kún kúrkireıdi
PETROPAVL. QazAqparat - Soltústik Qazaqstan oblysynda taǵy da aýa raıyna baılanysty eskertý jarııalandy, dep habarlaıdy QazAqparat tilshisi.
Qazgıdromettiń málimetterine súıensek, 29 mamyr kúni túnde jel soltústik-batystan sekýndyna 15-20 metr jyldamdyqpen esedi, keı jerlerde onyń ekpini 25 m/s-qa deıin jetýi múmkin. Oblys aýmaǵynyń basym bóliginde jańbyr jaýady. Keı jerlerde kún kúrkirep, naızaǵaı oınaıdy, daýyl turady, tuman túsip, tipti burshaq jaýýy yqtımal.
Soltústikqazaqstandyqtardyń uıaly telefonyna bul aıda kún saıyn aýa raıyna baılanysty eskertý jarııalanǵan habarlama kelip jatyr. Al mamyrda «112» qyzmetiniń qolaısyz aýa raıyn eskertken habarlamasy 11 ret túsken.
Foto: golos-pravda.ru
