SQO-da dárigerler ókpesiniń 90% zaqymdanǵan áıeldi aman-esen bosandyryp aldy
PETROPAVL. QazAqparat – Soltústik Qazaqstan oblysynda dárigerler ókpesi qabynyp, aýyr halde túsken júkti áıeldi aman-esen bosandyryp aldy, dep habarlaıdy QazAqparat tilshisi.
SQO kópsalaly aýrýhanasynyń bas dárigeri ıÝrıı Belonog osy ońdy oqıǵa jaıynda áleýmettik jelidegi paraqshasynda oqyrmandarymen bólisti. Onyń pikirinshe, bul – reanımatologtar men akýsher-gınekologtardyń úlken jeńisi.
«Syrqat bizge 1 qalalyq aýrýhanadan tústi. Koronavırýstyń saldarynan eki ókpesi de qabynǵan áıeldi operatsııa arqyly bosandyryp alý kerek boldy.
Kesar tiligi jasalyp, operatsııa nátıjesinde aman-esen bosandy. Alaıda syrqattyń jaǵdaıy kópke deıin asa aýyr boldy. Ol 23 táýlik boıy ókpeni jasandy jeldetý apparatynda jatty. Kompıýterlik tomografııa onyń
ókpesiniń 90% zaqymdanǵanyn kórsetti. Qazir jaǵdaıy jaqsaryp keledi.
Úıine shyǵýǵa, jańa týǵan sábıimen, týǵan-týystarymen kezdesýge daıyndalyp jatyr», - dep jazdy ıÝrıı Belonog.
SQO Densaýlyq saqtaý basqarmasy baspasóz qyzmetiniń málimetinshe, Petropavl turǵyny ul bosandy. Sábıden qaýipti vırýs anyqtalǵan joq.
