SQO-da dárigerler báki men ottyqty jutyp qoıǵan turǵyndy aman alyp qaldy
PETROPAVL. QazAqparat – Soltústik Qazaqstan oblysynyń turǵyny báki men ottyqty jutyp, oblystyq aýrýhananyń dárigerleri jedel hırýrgııalyq operatsııa jasaý arqyly ony aman alyp qaldy, dep habarlaıdy QazAqparat tilshisi.
Bul jaıynda SQO kópbeıindi aýrýhanasynyń áleýmettik jelidegi paraqshasynda jarııalandy.
Oqys oqıǵa 26 sáýir kúni bolǵan. SQO densaýlyq saqtaý basqarmasy baspasóz hatshysynyń málimetinshe, ózine qasaqana zııan keltirmek bolǵan Ýálıhanov aýdanynyń turǵyny sanıtarlyq avıatsııa arqyly Petropavl qalasyna jetkizildi. Oblystyq aýrýhanada dárigerler birden operatsııa jasap, patsıenttiń ishinen bógde zattardy alyp shyqty.
«Ýálıhanov aýdanynyń turǵyny qatty emotsıonaldy kúızeliske túsip, saldarynan ózine zaqym keltirmek bolǵan. Osylaısha báki men shaqpaqty jutqan. Patsıent densaýlyǵyna baılanysty esh jerde tirkelmegen. Qazirgi ýaqytta jaǵdaıy jaqsy», - deıdi basqarmanyń baspasóz hatshysy Gúlnár Saılaý.
