SQO-da daladan azyq taba almaǵan elikter aýylǵa kirip jatyr
PETROPAVL. QazAqparat – Soltústik Qazaqstan oblysynda ýchaskelik polıtseı men qoryqshy aýyl turǵynynyń sharbaǵyna ilinip qalǵan elikti qutqardy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, 24 naýryz kúni Qyzyljar aýdany Beskól aýyly turǵyny polıtsııaǵa habarlasyp, úıiniń mańyndaǵy qorshaýǵa sibir eliginiń ilinip qalǵanyn aıtqan.
Túz janýaryn ózdiginen bosata almaǵan ol polıtseılerden kómek suraǵan. Oqıǵa ornyna eki kómekshisimen ýchaskelik polıtsııa ınspektory attandy.
Sondaı-aq Beskól ańshylyq sharýashylyǵynyń aǵa qoryqshysy ıÝrıı Poberejnık eskertildi.
Olar sharbaqtan sekirip ótpek bolyp ilinip qalǵan elikti eppen bosatyp, qyzmettik avtokólikke salyp, memlekettik tabıǵı qoryqshanyń aýmaǵynda bosatyp jiberdi.
«Ýchaskelik polıtsııa ınspektorynyń jumysynda túrli jaıttar jıi bolyp turady. Biraq mundaı oqıǵaǵa alǵash ret tap boldym. Sondyqtan bul jumysta aınalańda bolyp jatqannan habardar, jan jaqty bolǵan durys», - deıdi ýchaskelik polıtsııa ınspektory Baqtııar Rahmetov.
Qoryqshy ıÝrıı Poberejnıktiń aıtýynsha, kóktemgi aýa raıyna baılanysty qardyń beti muzǵa aınalyp, túz janýarlaryna azyq tabý qıyndaǵan.
Sondyqtan elik aýylǵa kirip ketken.
Jergilikti turǵynnyń beıjaı qaramaýynyń jáne turǵyndardyń ýchaskelik polıtsııa ınspektorymen tyǵyz qarym-qatynasta bolýynyń arqasynda túz janýary aman qaldy.
