SQO-da COVID-19 juqtyrǵandardyń jartysyna jýyǵy shet elden kelgender
PETROPAVL. QazAqparat – Soltústik Qazaqstan oblysynda búginge deıin juqpaly indettiń 49 deregi tirkelse, sonyń 24-i shet elden kelgenderden anyqtalǵan, dep habarlaıdy QazAqparat tilshisi.
SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, COVID-19 juqtyrǵandardyń bireýi Mysyr elinen, ekeýi – Ulybrıtanııadan jáne qalǵan 21-i Reseıden kelgen. Syrttan naýqastanyp kelgenderdiń negizgi bóligin stýdentter, kólikpen júk tasymaldaýshylar jáne vahtalyq ádispen jumys isteıtinder quraıdy.
Mamandardyń aıtýynsha, syrqattanǵandardyń 78%-ynda juqpaly indettiń esh belgisi bolmaǵan. Qazirgi tańda SQO-da 24 myń adam COVID-19 tekserildi.
Koronavırýs ınfektsııasyn juqtyrǵandardyń sany 7% artqan jaǵdaıda Vedomstvoaralyq komıssııanyń sheshimimen karantın rejımi qaıta qatańdatylady.
SQO Densaýlyq saqtaý basqarmasy baspasóz qyzmetiniń málimetinshe, búginde ınfektsııalyq statsıonarda 14 adam em alyp jatyr. Karantındik statsıonarda – 100, provızorlyq statsıonarda – 41 jáne úı karantıninde 467 adam otyr.
