SQO-da COVID-19 juqtyrǵandardyń 60% jazyldy
PETROPAVL. QazAqparat – Soltústik Qazaqstan oblysynda keshe qaýipti ınfektsııa juqtyrǵan 68 syrqat táýir bolyp, úıine jiberildi, dep habarlaıdy QazAqparat tilshisi.
SQO Densaýlyq saqtaý basqarmasy baspasóz qyzmetiniń málimetinshe, qazirgi tańda oblysta koronavırýsty ınfektsııany juqtyrǵandar sany 2 451 adamǵa jetti. Keshe COVID-19 taǵy 99 adamnan anyqtaldy. Mamandardyń aıtýynsha, qazir syrqattanǵandar sany azaıyp keledi. Aýrýdyń sharyqtaý shegi maýsym aıynda tirkeldi. Sol kezde táýligine 110-120 adam tirkelip otyrǵan.
Jedel járdem qyzmetiniń kómegine júginetinder sany da azaıǵan. Qaýipti ınfektsııany juqtyrǵandardyń 1 469-y, ıaǵnı 60% búginde táýir boldy. Emdelip, úıine aman-esen shyqqandardyń ishinde jas analar da bar.
«Oblystaǵy kóptegen emdeý mekemelerinde, sonyń ishinde perınataldyq ortalyqta da 25 orynǵa shaqtalǵan karantındik statsıonar jáne 20 oryndyq provızorlyq statsıonar 10 shilde kúni ashyldy. Osy aralyqta jańa bosanǵan 30 ana koronavırýs ınfektsııasynan emdelip, sábıimen úıine jiberildi. Qazirgi tańda munda dári-dármek te, mamandar da jetkilikti», - deıdi densaýlyq saqtaý basqarmasy baspasóz qyzmeti.
Eske sala ketsek, buǵan deıin qaýipti ınfektsııany juqtyrǵan 17 jas ananyń em alyp jatqanyn habarlaǵan edik.
