SQO-da COVID-19 juqtyrǵan 30 adam aýyr halde jatyr
PETROPAVL. QazAqparat – Soltústik Qazaqstan oblysynda sońǵy aptada kúndelikti koronavırýs juqtyrǵan 100-ge jaqyn adam anyqtalyp jatyr. Osy aralyqta qaıtys bolǵandardyń sany 5-eýge jetti, arasynda birden asqan sábı de bar, dep habarlaıdy QazAqparat tilshisi.
SQO densaýlyq saqtaý basqarmasynyń málimetinshe, óńirde epıdemıologııalyq jaǵdaı kúrdeli. Tek ótken táýlikte 97 adam koronavırýsty juqtyrdy. Qazir oblystaǵy ınfektsııalyq statsıonarlar 52 %-ǵa tolǵan, 434 adam em alyp jatyr.
Qaýipti vırýsty juqtyrǵandardyń 30-ynyń jaǵdaıy aýyr. Jansaqtaý bólimshesine jatqyzylǵan olar ókpeni jasandy jeldetý apparatyna qosylǵan. Koronavırýsty juqtyryp, aýrýhanaǵa túskenderdiń eshqaısy da vaktsınatsııadan ótpegen.
Sońǵy aptada COVID-19-dan qaıtys bolǵandar sany artty. Kóz jumǵandardyń bireýi – jastan eki aı asqan sábı.
SQO-da búginde 184 295 adam vaktsınanyń 1-shi komponentin aldy. Onyń 108 446-sy tolyq kýrstan ótken.
