SQO-da tsıfrlyq sút keshenderi salynady
NUR-SULTAN. QazInform – Soltústik Qazaqstan oblysynda tsıfrlyq sút ónimderin damytýǵa kóńil bólinip otyr. Bul týraly Soltústik Qazaqstan oblysynyń ákimi Qumar Aqsaqalov aıtty, dep habarlaıdy QazAqparat tilshisi.
«Qazirgi ýaqytta et óndirý tıimdi. Aımaǵymyzda adam basyna 171 kg et óndiriledi, bul bizdiń qajettiligimizden 3 ese joǵary kórsetkish», - dedi Qumar Aqsaqalov Ortalyq kommýnıkatsııalar qyzmetinde ótken brıfıngte.
Sondaı-aq, oblysta sút óndirý salasy damyp keledi.
«Búgingi tańda SQO tsıfrlyq sút fermalaryn damytýǵa kóńil aýdaryp otyr. Bizde 17 sandyq ferma bar, osy jyly taǵy 3 tsıfrlyq sút kesheni salynady. Kelesi jyly taǵy osyndaı 10 zamanaýı ferma salynady. Sút keshenderi arqyly sút ónimin 20 myń tonnaǵa arttyrý josparda bar» - deıdi oblys ákimi.
