SQO-da byltyr jasóspirimderge qatysty 13 jynystyq qylmys jasalǵan

PETROPAVL. QazAqparat – Soltústik Qazaqstan oblysynda byltyr jasóspirimderge qatysty 67 qylmys tirkeldi, taǵy 21-in kámelet jasyna tolmaǵandardyń ózderi jasaǵan, dep habarlaıdy QazAqparat tilshisi.

SQO prokýratýrasynda «2022 jyly jáne osy jyldyń ótken kezeńinde kámeletke tolmaǵandar arasyndaǵy quqyq buzýshylyqtardyń aldyn alý máselelerine jaýapty memlekettik organdarmen qabyldanyp jatqan sharalar týraly» taqyrybynda jedel keńes ótti. Keńeske balalarmen jumys isteıtin barlyq quzyrly organ ókilderi qatysty.

Oblys prokýratýrasy jasóspirimder arasynda qylmystyń aldyn alýǵa qatysty qoldanylyp jatqan sharalarǵa taldaý júrgizip, ýákiletti memlekettik organdarǵa 5 prokýrorlyq qadaǵalaý aktisin shyǵardy. Nátıjesinde 21 laýazymdy tulǵa tártiptik jaýapkershilikke tartyldy.

Prokýrorlardyń aıtýynsha, byltyr 2021 jylǵa qaraǵanda jasóspirimderge qatysty jasalatyn qylmys sany tómendegen. Kámelet jasyna tolmaǵandarǵa qatysty 67 quqyq buzýshylyq tirkeldi. Sonyń ishinde eń soraqysy - kámelet jasyna tolmaǵandardyń jynystyq qol suqpaýshylyǵyna qatysty qylmystar. Onyń sany artqan. Byltyr mundaı 13 fakti tirkeldi, bul 2021 jylmen salystyrǵanda 7 derekke kóp.

«Máselen, densaýlyq saqtaý, bilim berý organdary kámelet jasyna tolmaǵandardyń jynystyq qol suqpaýshylyǵyna qatysty aldyn alý jumystaryn júrgizbegen. M.Jumabaev aýdanynda jasóspirim ájesimen ǵana turǵan. Ata-anasy qyzdyń tárbıesimen aınalyspaǵan. ıAǵnı jasóspirim ózimen ózi bolǵan. Bul jaıynda bilim berý organdary bilgenimen, eshqandaı shara qoldanbaǵan. Saldarynan kámelet jasyna tolmaǵan qyzǵa jynystyq sıpattaǵy qylmys jasalǵan.

Al Ýálıhanov aýdanynda patronattyq tárbıege alǵan balaǵa er adam kún kórsetpegen. Bala sabaqqa kógerip barǵan. Bul da prokýratýranyń taldaý jumysy barysynda anyqtaldy. Tıisti shara qoldanyldy», - deıdi SQO prokýratýrasy basqarmasynyń prokýrory Ámir Rahımov.

Petropavldaǵy №4 mektepte bolǵan oqıǵa da nazardan tys qalmady. Balta-pyshaqpen sabaqqa qarýlanyp kelip, úsh oqýshyny jaraqattaǵan jasóspirim buǵan deıin 3 aı boıy mektepke barmaǵan eken.

«Bul jasóspirim 2021 jyly sýıtsıd jasamaq bolǵan. Onyń ózin-ózi ustaýynda destrýktıvti minez-qulyq bolǵan. Biraq bul jaıynda densaýlyq saqtaý organdaryna habar berilmegen», - SQO prokýrorynyń birinshi orynbasary Ábý-Álı Sattar.

Jıyn barysynda ár memlekettik organǵa naqty mindetter júkteldi. Ol buǵan deıin anyqtalǵan olqylyqtardy joıý jáne onyń qaıtalanýyna jol bermeýge qatysty.