SQO-da byltyr 1 myń tekshe metr aǵashty zańsyz kesken
PETROPAVL. QazAqparat – Soltústik Qazaqstan oblysynda ótken jyly tabıǵatty qorǵaý zańnamasyn buzýdyń 390 deregi anyqtaldy, dep habarlaıdy QazAqparat tilshisi.
SQO Tabıǵı resýrstar jáne tabıǵat paıdalanýdy retteý basqarmasynyń málimetinshe, aǵashty zańsyz kesýge jol bermeý úshin birqatar is-sharalar qolǵa alynǵan, solardyń biri – ǵarysh arqyly monıtorıng júrgizý. Alaıda, ebin taýyp, aǵashty ruqsatsyz kesetinder tyıylmaı otyr. Byltyr osyndaı 50 jaǵdaı anyqtalyp, 1 myń tekshe metr aǵashty kesýden 4 mln teńge shyǵyn keldi. Al jalpy, tabıǵatty qorǵaý zańnamasyn buzýdyń 390 deregi anyqtalǵan.
Byltyr jalpy 496 myń tekshe metr aǵash aralansa, onyń 350 myń tekshe metri turǵyndarǵa otynǵa berilgen. Mamandardyń aıtýynsha, bosatý baǵasy 2013 jyldan beri ózgermegen.
Qazir SQO-da otyn jáne taqtaı daıyndaýmen 25 orman paıdalanýshysy aınalysady. Jyl saıyn tsehtarda 100 myń tekshe metr aǵash óńdelip, turmysqa qajet ónimder shyǵarylady.
Memlekettik orman qorynyń keı ýchaskeleri rekreatsııalyq maqsatta, ıaǵnı demalatyn oryn uıymdastyrý úshin beriledi. Kásiptiń bul túrimen óńirde 26 orman paıdalanýshysy aınalysady. Byltyr osyndaı demalys oryndarynda 70 myńnan astam adam bolypty.
