SQO-da burynǵy basqarma basshysy men alty orman sharýashylyǵynyń dırektoryna qatysty sot bastaldy

PETROPAVL. KAZINFORM – Soltústik Qazaqstan oblysynda Tabıǵı resýrstar jáne tabıǵat paıdalanýdy retteý basqarmasynyń burynǵy basshysy Erbolat Bekshenovtyń soty bastaldy.

Túrmeden shyǵaryp berem: Astanada 57 mln teńgeden astam aqsha alǵan alaıaqqa sot úkimi shyqty
Foto: Kazinform\JI

Sybaılas jemqorlyq boıynsha taǵy alty adam sot aldynda jaýap berip jatyr. Olardyń qatarynda alty orman sharýashylyǵynyń dırektory bar.

Bekshenovke qyzmettik ókilettigin paıdalana otyryp jasalǵan alaıaqtyq jáne para berýge arandatý baptary boıynsha aıyp taǵyldy. Orman sharýashylyǵynyń bir dırektoryna para berýge kómektesti degen aıyp taǵylsa, qalǵanyna para berýge oqtalý aıyby taǵylǵan.

Aıyptaý nusqasyna sáıkes, oqıǵaǵa 2025 jyly mamandandyrylǵan tabıǵat qorǵaý prokýratýrasy júrgizgen tekserý sebep bolǵan. https://kaz.inform.kz/news/sko-da-enbek-sharttarin-talapka-say-rasmdemegen-19-lauazim-ies-zhauapka-tartildi-6e0fc9/ Nátıjesinde bes orman sharýashylyǵynda eńbek zańnamasynyń buzylǵany anyqtalǵan. Máselen, keıbir qyzmetkerlerge naqty jumys istemegen kúnderi úshin jalaqy eseptelgen.

Tekserý qorytyndysy boıynsha zańbuzýshylyqtardy joıý týraly nusqama berilip, kináli qyzmetkerler tártiptik jaýapkershilikke tartylǵan. Negizsiz tólengen qarajat bıýdjetke qaıtarylǵan.

Alaıda oblystyq prokýratýranyń málimetinshe, osydan keıin basqarmanyń sol kezdegi basshysy Erbolat Bekshenov orman sharýashylyqtarynyń dırektorlaryn tártip jónindegi keńeste másele qaıta qaralyp, qyzmetterinen aıyrylýy múmkin ekenine sendirgen.

Tergeý nusqasy boıynsha, ol máseleni «sheshý» úshin árqaısysynan 100 myń teńgeden jınaýdy uıymdastyrǵan. Bul iske taǵy bir orman sharýashylyǵynyń dırektoryn tartqan. Ol aqshany ózge basshylardan jınap, jetkizýi tıis bolǵan.

Tórteýi aqshany 1 naýryzda tapsyrylǵan. Taǵy bireýi Bekshenovpen sóıleskennen keıin bergen.

Alaıda keıin basqarma basshysynyń orynbasary UQK-niń Soltústik Qazaqstan oblysy boıynsha departamentine júginip, jınalǵan 500 myń teńgeni óz erkimen tapsyrǵan.

Sot otyrysynda Bekshenov jáne bes basshy óz kinásin moıyndady. Keıbir sottalýshylar prokýrormen protsestik kelisim jasasýǵa nıetti ekenin málimdegen.

Al taǵy bir orman sharýashylyǵynyń dırektory kinásin moıyndamaı otyr. Onyń qorǵaýshylary bul iske qatysty ustanymynda ol para berýshi emes, basshylyq tarapynan qysym kórgen adam ekenin alǵa tartyp, qylmystyq qýdalaýdy toqtatýdy suraǵan.

Sot otyrysy jalǵasyp jatyr.

Esterińizge salaıyq, Soltústik Qazaqstan oblysynyń tabıǵı resýrstar jáne tabıǵat paıdalanýdy retteý basqarmasyna Erbolat Bekshenov 2025 jyly shilde aıynda taǵaıyndalǵan edi.

Bıyl sáýir aıynda QR Ulttyq qaýipsizdik komıteti Kazinform saýalyna jaýap berip, SQO ákimdigi basqarmasynyń eks-basshysyna sotqa deıingi tergeý bastalǵanyn rastady.

Erbolat Bekshenov buǵan deıin SQO-da eki aýdannyń ákimi, oblystyq aýyl sharýashylyǵy basqarmasynyń basshysy boldy.