SQO-da búldirshinder aqparattyq saýattylyqty meńgermek

PETROPAVL. QazAqparat - Jańa oqý jylynan bastap Soltústik Qazaqstan oblysyndaǵy bastaýysh synyp oqýshylary aqparattyq saýattylyqty úırenedi, dep habarlaıdy QazAqparat tilshisi.

Óńirlik kommýnıkatsııalar qyzmetiniń málimdeýinshe, sabaqtar 1-2 synyptardan bastalady. Aqparattyq saýattylyq sabaqtarynyń taqyryptary alǵashynda qarapaıym bolyp, birte-birte kúrdelenip otyrady.

Jalpy, Petropavlda tsıfrlandyrý baǵdarlamasy «Smart-balabaqsha», «Smart-mektep» jáne memlekettik qyzmetterdi avtomattandyrý baǵyttary boıynsha iske asyrylyp jatyr.

Bilim bóliminiń basshysy Aınagúl Suraǵanovanyń aıtýynsha, 1 qyrkúıek kúni ІT-lıtseıdiń ashylý saltanaty bolady.

«2015 jyldan beri «Altyn besik» baqshasymen birlese «Smart-balabaqsha» jobasyn júzege asyryp kelemiz. «Smart-mektep» pılottyq jobasy qalalyq klassıkalyq gımnazııada engizilgen. Árbir ata-ana balasynyń sabaqqa barǵanyn, sabaqtan shyqqanyn, SMS-habarlama arqyly bilip otyrady», - deıdi A. Suraǵanova.