SQO-da búgin eki jeńil kólik otqa orandy

PETROPAVL. KAZINFORM – Soltústik Qazaqstan oblysynda búgin eki jeńil kólik otqa orandy, eki oqıǵa da janarmaı quıý stansasynyń janynda boldy.

SQO tótenshe jaǵdaılar departamenti baspasóz qyzmetiniń málimetinshe, birinshi oqıǵa Qyzyljar aýdany Beskól aýylyna kire beristegi janarmaı quıý stansasynyń janynda bolǵan. Saǵat 14.56 mınýt ketkende «101» jedel arnasyna Aýdı-100 markaly avtokóliktiń órtengeni týraly habar túsken. Sanaýly mınýtta janǵan kólikti sóndirýge Beskóldegi №13 órt sóndirý bóliminiń qyzmetkerleri jetti. Kólik salony otqqa oranyp úlgergen eken. Órt sóndirýshiler 15.13-te órtti tolyq sóndirdi. 

Jalynnyń neden shyqqany jáne shyǵyn kólemi anyqtalyp jatyr. 

Ekinshi kólik keshki saǵat 20.00 shamasynda Petropavldaǵy Pýshkın kóshesi, 196 mekenjaıynda, janarmaı quıý stansasynyń mańynda órtengen. Oqıǵa ornyna jeke quramnan 20 adam, 5 tehnıka jumyldyryldy. Órt sóndirýshiler kelgende kóliktiń qozǵaltqysh ornalasqan bóligi janyp jatqan. Mamandar 5 mınýttyń ishinde órtti sóndirdi. 

Zardap shekkender joq. Aldyn ala boljam boıynsha órt elektr symdarynyń qysqa tuıyqtalýynan shyqqan. 

Vıdeo: SQO TJD baspasóz qyzmeti