SQO-da brýtsellez juqtyrǵan 1,5 myń iri qara maldyń kózi joıylǵan
Byltyr josparly jumys barysynda jáne mal aýrýlary tabylǵan oshaqtardy saýyqtyrý maqsatynda 499,3 myń iri qara mal brýtsellezge zertteldi. Nátıjesinde 1483 bas maldan aýrý belgileri tabylǵan. Onyń 544-i, ıaǵnı 37 % turǵyndardyń sıyrlary bolsa, qalǵany agroqurylymdardyń maly.
«Tımırıazev jáne Ýálıhanov aýdandarynda aýrýdy juqtyrý kórsetkishteri joǵary. Al, sońǵy úsh jyldyń ishinde M.Jumabaev, Qyzyljar, Ǵ.Músirepov jáne Ýálıhanov aýdandarynda iri qara malda brýtsellez aýrýynyń kóbeıgenin baıqaımyz. Bul eldimekenderde juqpaly aýrý sozylmaly túrine ótken. Budan basqa 560 myń qoı brýtsellezge zerttelip, 26-sy ǵana aýrý bolyp shyqty. Aýrý maldyń báriniń kózi joıyldy», - deıdi SQO Veterınarııa basqarmasynyń jetekshisi Altynbek Abdollaev.
Mamandardyń málimetinshe, elimizde iri qara mal arasynda brýtsellez aýrýyn juqtyrýdan Batys Qazaqstan oblysy 1,26%-ben alda tur, Qaraǵandy oblysynda - 0,54%, Shyǵys Qazaqstanda - 0,7% bolsa, Soltústik Qazaqstanda - 0,3%.
«Aýrýdyń taraýyna, qaýipti mal aýrýlary oshaqtarynyń artýyna aýyl sharýashylyq qurylymdary men qojalyqtardyń qarapaıym veterınarlyq-sanıtarlyq talaptardy saqtamaýy sebep bolyp otyr. ıAǵnı, mal ósirýde, ony kútip-baptaý, satý jáne satyp alý men tasymaldaý kezinde qarapaıym erejeler saqtalmaıdy», - deıdi Altynbek Abdollaev.
Jalpy byltyr oblys veterınarlary asa qaýipti 12 mal aýrýyna qarsy 2,5 mln jýyq veterınarlyq-profılaktıkalyq amal-sharǵy jasaǵan. Zerthanaǵa 30 aýrýǵa qatysty dıagnostıka jasaý úshin 1 mln astam bıologııalyq materıaldardyń synamasy alynyp, zertteldi. Osy maqsatqa 773 mln teńge jumsalǵan eken.
