SQO-da birneshe kól kásipkerlerge paıdalanýǵa berilmek
PETROPAVL. KAZINFORM - Soltústik Qazaqstan oblysynda balyq sharýashylyǵymen aınalysý úshin sý aıdyndaryn jáne olardyń ýchaskelerin on jylǵa bekitý boıynsha konkýrs jarııalandy.
Esil oblysaralyq basseındik balyq sharýashylyǵy ınspektsııasynyń málimetinshe, jalpy óńirde 10 sý aıdyny konkýrsqa qoıylyp otyr. Olardyń basym bóligi kásipshilik balyq aýlaýǵa arnalǵan.
Aqqaıyń aýdanynda aýmaǵy 26 ga bolatyn Rýbashnoe kóli konkýrsqa shyǵaryldy.
Qyzyljar aýdanynda bes kól: 73 ga aýmaqty alyp jatqan Rechkın kól, aýdany 41,8 ga bolatyn Strelbışe kóli, 175,1 ga aýmaqqa sozylǵan Cherepkov kóli, aýdany 548 ga Solontsy kóli jáne 42 ga alyp jatqan Qyzyl kóli (Kyzylovo) kásipshilik balyq aýlaý maqsatynda 10 jyl merzimge bekitiledi.
Sonymen qatar Qyzyljar aýdanyndaǵy Prýd kóli de konkýrsqa shyǵarylǵan. Onyń aýmaǵy - 76 gektar, sý aıdynyn áýesqoılyq-sporttyq balyq aýlaý maqsatynda qoldanýǵa bolady.
Mamlıýt aýdanynda: aýmaǵy 55 ga Trete kóli, 65 ga alyp jatqan Poddývalnoe kóli jáne 57 ga sozylǵan Paraskın kóli konkýrsqa shyǵaryldy. Bul sý aıdyndary da kásipshilik balyq aýlaý úshin 10 jyl merzimge bekitiledi.
Baıqaýǵa qatysý úshin e-qazyna.kz veb-portalyna tirkelip, tıisti qujattardy elektrondy formatta jiberý qajet.
Jeke tulǵalar jeke sáıkestendirý nómirin, aty-jónin jáne baılanys derekterin kórsetýi kerek. Al zańdy tulǵalar zańdy tulǵanyń bıznes-sáıkestendirý nómirin, tolyq ataýyn, birinshi basshysynyń derekterin, bank shotynyń rekvızıtterin jáne baılanys aqparatyn usynýy tıis.
Mańyzdy talaptardyń biri - kepildik jarnasyn tóleý. Konkýrsqa qatysý úshin 100 aılyq eseptik kórsetkishti (432 500 teńge) tóleý kerek. Ótinim qabyldaý 1 qazan kúni saǵat 09:55-te toqtatylady.
Buǵan deıin SQO-da toǵyz kól on jylǵa jalǵa beriletinin jazǵan edik.
