SQO-da brakonerler aqqý atqan
Soltústik Qazaqstan oblysy polıtsııa departamenti baspasóz qyzmetiniń málimetinshe, Beskól ańshylyq sharýashylyǵynyń qoryqshysy Mamlıýt aýdanynda sheteldik kóliktiń júksalǵyshynan aqqý tapty. Bul jaıly ol birden polıtsııaǵa habarlady.
Mamlıýt aýdanynyń Ledenevo eldimekeniniń mańynda tabıǵatty qorǵaýshynyń kózine túspeı ketýge tyrysqan «BMV» avtokóligi iligedi. Kúdik rastalyp, kóliktiń júksalǵyshynan basy kesilgen aqqý tabyldy.
«Oqıǵa ornyna kelgen Mamlıýt aýdany polıtsııa bóliminiń qyzmetkerleri qustyń denesin saraptamaǵa aldy. Kólik júrgizýshisi men jolaýshy mán-jaı anyqtalǵansha deıin polıtsııa bólimine jetkizildi. Zańsyz ań aýlaý faktisi boıynsha sotqa deıingi tergep-tekserý bastaldy», - deıdi Mamlıýt aýdanynyń polıtsııa bóliminiń bastyǵy Serik Áljanov.
SQO-da bul bıyl aqqý aýlaýǵa qatysty tirkelgen ekinshi derek. Naýryz aıynda Petropavldaǵy «Romashka» saıajaıǵa jaqyn mańda eki suńqyldaq aqqýdyń denesi tabylǵan edi. Elimizde bul dala qusyn aýlaýǵa tyıym salynǵan.
