SQO-da brakonerler 9 elikti atyp ketti
PETROPAVL. QazAqparat - SQO-nyń Qyzyljar aýdanynda zańsyz ań aýlaý deregi anyqtaldy. Tártip saqshylar Sogrov memlekettik qoryǵynyń ınspektorlarymen birge brakonerlerdi ustady, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń habarlaýynsha, oqıǵa naýryzdyń 2-si bolǵan. Esil ózeniniń jaǵasyndaǵy Krasnyı ıAr aýylynyń mańynda Mitsubishi Delica avtokóliginiń 43 jastaǵy júrgizýshisi ustaldy. Petropavldyqtyń kóligin tekserý barysynda sibir elikteriniń eti salynǵan qap pen qarý tabylǵan. Tártip saqshylary sol mańaıdan taǵy 5 qap et pen áli bólshektelmegen elikterdi jáne ańdardyń terilerin tapty.
Polıtsııa qyzmetkerleriniń aıtýynsha, oblystyń birneshe turǵynynyń zańsyz ań aýlaýmen aınalysqany anyqtalyp otyr. Olar 9 sibir eligin atyp alypty. Qazir osy oqıǵaǵa baılanysty tergeý amaldary bastaldy.
«QR QK337 babyna sáıkes qylmystyq is qozǵaldy. Mitsubishi Delica avtokóligi, 5 jup ańshylyq shańǵy, 2 myltyq tárkilendi. Qylmystyń bul túrine 5 AEK mólsherinde aıyppul qarastyrylǵan bolmasa jazasyn óteýshi qoǵamdyq jumystarǵa jegiledi. Nemese 5 jylǵa deıin bas bostandyǵynan aıyrylýy múmkin», - deıdi SQO PD bas mamany Nurbek Baekın.
SQO-da jyl basynan tabıǵatty qorǵaý zańnamasyn buzýdyń 189 deregi anyqtaldy. Onyń tórteýi - zańsyz ań aýlaýǵa baılanysty.
