SQO-da brakonerler 3 aqqýdy atyp alǵan
SQO Polıtsııa departamenti baspasóz qyzmetiniń málimetinshe, oblys aýmaǵynda 2397 kól bolsa, sonyń 332-si jalǵa berilgen. Bul kólderde ruqsat qujattary bolǵan jaǵdaıda ǵana balyq aýlaýǵa bolady.
«Balyqshylar arasynda jıi kezdesetin zań buzýshylyq – ruqsat qujattarynyń bolmaýy. Al ańshylar arasynda qarýdy tasymaldaý erejesine mán bermeıtinder barshylyq. ıAǵnı ormanǵa tysqapsyz nemese jınalǵan kúıinde jetkizedi. Ormanda demalǵandy unatatyndarǵa bıyl ańǵa shyqpas buryn jańa erejemen tanysýǵa keńes beremin. Oblystyq orman sharýashylyǵy jáne janýarlar álemi ınspektsııasy basshysynyń buıryǵynda barlyǵy kórsetilgen», - deıdi SQO PD JPQB tabıǵatty qorǵaý polıtsııasy tobynyń aǵa ınspektory Ashat Qojabaev.
Buıryqqa sáıkes Qazaqstannyń Qyzyl kitabyna enbegen janýarlar men qustardy atýǵa bolady. Ańshylyq maýsymnyń bastalý merzimimen jáne erejesimen aımaqtyq ınspektsııanyń Facebook-paraqshasynda tanysýǵa bolady. Polıtseıler tek ruqsat qujat bolǵan jaǵdaıda jáne ańshylyq sharýashylyqtardyń aýmaǵynda ǵana ańshylyq qurýǵa bolatynyn eskertedi. SQO-da 37 ańshylyq sharýashylyǵy bar. Al 6 qoryqta jáne «Kókshetaý» ulttyq parkiniń aýmaǵynda ań-qus atýǵa tyıym salynǵan.
Jalpy jyl basynan tártip saqshylary tabıǵatty qorǵaý zańnamasyn buzýdyń 658 deregin anyqtady. Onyń 378-i janýarlar, 226 – balyq jáne 9-y ósimdik álemine qatysty.
Ekologııalyq zańbuzýshylyqqa qatysty 5 qylmystyq is sotqa jiberilse, 8-i boıynsha is óndiriste. Tabıǵatqa kelgen jalpy shyǵyn mólsheri 13 mln teńgeden asady. Brakonerlerden 21 sibir eliginiń, 2 maraldyń, 3 aqqýdyń eti alyndy. Qarda júretin 3 tehnıka men 8 qarý-jaraq tárkilendi.