SQO-da azyq-túlik baǵasynda qandaı ózgeris bar

Soltústik Qazaqstan oblysyndaǵy ınflıatsııa jyldyq esepteýmen alǵanda 12,1% kórsetti. Ótken jylǵy qazan aıymen salystyrǵanda ásirese kúrish pen sary maı jáne kókónisterge baǵa ósken, dep habarlaıdy Kazinform.

Ulttyq statıstıka bıýrosy SQO boıynsha departamentiniń málimetinshe, ótken jylǵy qazanmen salystyrǵanda, azyq-túlik taýarlaryna – 12%, azyq-túlik emes taýarlarǵa – 12,1, aqyly qyzmetterge – 12,6% ósti.

Bir jyldyń shinde tuzdalmaǵan sary maı – 29,2%, jumyrtqa – 19,6, sút ónimderi – 16,1, jemister – 7,5% qymbattaǵan. Jarmalardyń keı túriniń baǵasya 2% tómendegenimen, kúrish osy aralyqta 47,9% qymbattady.

Alkogoldi ishimdikterge – 16,2%, alkogolsiz sýsyndarǵa – 16,1% baǵa kóterilgen. Kókónister de 5,7% qymbattaǵan. Sonyń ishinde qyzylsha baǵasy – 32,8%, qyryqqabat – 25,2%, sábiz – 24% ósken. Al kartopty byltyrǵydan 2,2%, pııazdy 1,9% arzanǵa alýǵa bolady.

Buıymdar, prıborlarǵa jáne jeke bas tutynýyna arnalǵan taýarlarǵa – 27,7%, kıim jáne aıaq kıimge – 12,6, farmatsevtıkalyq ónimderge – 8,9, kitaptar men keńse taýarlaryna – 6,7% baǵa ósken. Tas kómir 14,2% qymbattady. Benzın 12,1% ósti.

Kommýnaldyq qyzmetterdiń ishinde elektr qýatyna tarıf 14,2% qymbattady. Ambýlatorlyq qyzmetter de búginde – 17,8%, kólik qyzmetteri – 13,2%, turǵyn úıdi jalǵa berý úshin tólenetin naqty aqy – 10% qymbattaǵan.