SQO-da bir jylda baǵa qalaı ózgerdi

Ulttyq statıstıka bıýrosynyń SQO boıynsha departamentiniń málimetinshe, bir jyl ishinde azyq-túlik baǵasy — 8%, azyq-túlik emes taýarlar — 12%, al aqyly qyzmetter 14% qymbattaǵan. 

Azyq-túlik baǵasynyń jyldyq ósimine birqatar ónimniń qymbattaýy áser etken. Máselen, jumyrtqa baǵasy bir jylda — 21,5%, keptirilgen órik 20%, shujyq ónimderi 20% jýyq, toqash pen unnan jasalǵan kondıterlik ónimder 17,5% ósken.

Temeki ónimderine baǵa — 13% jańa aýlanǵan, salqyndatylǵan balyqqa -12%, qus etine — 9%, makaron ónimderine — 6%, muzdatylǵan balyqqa 3% qymbattaǵan.

Kókónisterdiń jalpy baǵasy 15% ósken. Onyń ishinde eń joǵary ósim kartopta — onyń baǵasy ótken jyldyń qyrkúıegimen salystyrǵanda 74% qymbattaǵan. Sábiz — 50%, qyryqqabat — 35%, pııaz 17% ósken.

Al keı ónimder, máselen qııar baǵasy bir jylda — 45%, alma — 26%, lımon 5% arzandady.

Azyq-túlikke jatpaıtyn taýarlar arasynda turǵyn úıdi jóndeýge jáne kútip ustaýǵa qajetti materıaldar — 17%, kıim men aıaq kıim — 14%, turmystyq aspaptar — 14%, keńse taýarlary 12% qymbattaǵan.

Avtokólik júrgizýshileri úshin de baǵa ósimi baıqalady, AI-92 markaly benzın -7%, dızel otyny 8% qymbattaǵan.
Ótken jylmen salystyrǵanda, bıyl kómir quny 11% artty.

Mamandardyń aıtýynsha, eń joǵary ósim aqyly qyzmetter salasynda tirkeldi. Shashtarazdar men sulýlyq salondarynyń qyzmeti bir jylda — 27%, demalys jáne mádenıet salasyndaǵy qyzmetter — 20%, ambýlatorııalyq qyzmetter 13% ósken. Bilim berý qyzmetteriniń quny 9% artqan.

Jalpy, ınflıatsııa deńgeıi halyqtyń jeke tutynýy úshin satyp alatyn taýarlar men qyzmetter baǵasynyń ózgerýi negizinde esepteledi. Tutyný sebetine barlyǵy 537 taýar men qyzmet túri kiredi. 

Osy jyldan bastap tutyný baǵalary ındeksin esepteýde azyq-túlik taýarlarynyń úlesi — 41,1%, azyq-túlik emes taýarlardyń úlesi — 28,4%, al aqyly qyzmetterdiń úlesi 30,5% bolyp belgilengen.

Buǵan deıin Qazaqstanda turǵyn úı baǵasy bir jylda qalaı ózgergenin jazǵan edik.