SQO-da bir jylda azyq-túlik baǵasy qalaı ózgerdi
PETROPAVL. KAZINFORM – Soltústik Qazaqstan oblysynda bir jylda azyq-túlik taýarlarynyń baǵasy 11%, azyq-túlik emes taýarlar 13%, aqyly qyzmetter 15% ósken.
Ulttyq statıstıka bıýrosynyń SQO boıynsha departamentiniń málimetinshe, ásirese sábiz, qoı eti, farmatsevtıkalyq ónimder men shashtaraz qyzmetteri qymbattaǵan. Al keıbir maýsymdyq kókónister men jemisterdiń baǵasy, kerisinshe, tómendegen.
Máselen bir jylda toqash jáne unnan daıyndalǵan kondıterlik ónimderdiń baǵasy shamamen 18% ósken. Et ónimderi 17% qymbattaǵan. Sonyń ishinde qoı eti baǵasy bir jylda 45%, jylqy eti 18% ósken.
Ashyǵan sút ónimderiniń baǵasy - 16%, alkogolsiz sýsyndar - 12%, sút - 9%, kúnbaǵys maıy - 5%, qant 2% qymbattady.
Kókónisterdiń jalpy 4% qymbattaǵanymen, jekelegen ónimderdiń baǵasy boıynsha ósim áldeqaıda joǵary. Máselen, sábiz baǵasy bir jylda 71%, qyryqqabat 33%, basty pııaz 28% qymbattaǵan.
Desek te, qııardyń baǵasy bir jylda - 50%, qyzanaq 46% arzandaǵan.
Jemister arasynda da arzandaǵan ónimder bar. Apelsınniń baǵasy - 23%, alma 14% túsken. ıAǵnı maýsymdyq ónimder arasynda aıtarlyqtaı aıyrmashylyq bar.
Baǵasy ósken taýarlardyń ishinde dári-dármek bar, ol 27% qymbattady.
Jýý jáne tazalaý quraldary men jeke bas tutynýyna arnalǵan taýarlar - 15%, turǵyn úıdi jóndeý jáne kútip ustaýǵa qajetti materıaldar - 15%, kıim men aıaq kıim - 14%, turmystyq aspaptar 13% qymbattaǵan.
Janar-jaǵarmaı baǵasy da ósken. AI-92 markaly benzın - 11%, dızel otyny 9% qymbattaǵan. Gaz tarıfi 31% joǵarylady. Elektr energııasy 4% qymbattaǵan.
Qyzmet kórsetý salasynda da baǵa ósimi bar. Shashtarazdar men sulýlyq salondarynyń qyzmetteri - 28%, demalys jáne mádenıet salasyndaǵy qyzmetter 19% qymbattady.
Buǵan deıin 1 tamyzdan bastap Qazaqstanda temeki qymbattaǵanyn jazǵan edik.
