SQO-da bir otbasynyń úsh adamy ıis tıip ýlandy

PETROPAVL. KAZINFORM — Soltústik Qazaqstan oblysy Ýálıhanov aýdanynda 32 jastaǵy áıel, onyń 13-tegi jáne bir jasar nárestesi ıis tıip aýrýhanaǵa tústi.

SQO tótenshe jaǵdaılar departamenti baspasóz qyzmetiniń málimetinshe, 25 aqpan kúni saǵat 21:00 shamasynda Kishkenekól aýylyndaǵy jeke turǵyn úılerdiń birinen aýdandyq aýrýhanaǵa kómirqyshqyl gazyna ýlanǵan otbasy jetkizildi.

Tıisti em-dom kórsetilgennen keıin áıel men onyń eki balasy úıine qaıtaryldy. 

«Turǵyn úıdi qaraý kezinde peshtiń murjasy jabylmaıtynyn baıqadyq, biraq, pesh kópten tazalanbaǵandyqtan kúl tolyp qalǵan. Saldarynan durys tartpaı, ýly gaz ishke ketken. ıAǵnı peshti durys qoldaný erejesin saqtamaǵan», — deıdi órt sóndirýshiler. 

SQO-da jyl basynan beri 4 adam peshti durys qoldanbaý saldarynan ıis tıip ýlanyp qalǵan.

Ótken jyldyń sáıkes kezeńinde 20 adam ýlansa, 1 adam qaıtys boldy.