SQO-da bir kúnde aıyppul bereshegi bar 210 shetel azamaty anyqtaldy
PETROPAVL. KAZINFORM — Soltústik Qazaqstan oblysynda polıtseıler ákimshilik aıyppul boıynsha bereshegi bar tulǵalardy anyqtaý jumystaryn kúsheıtti. Ásirese shetel azamattaryna erekshe nazar aýdarylyp otyr.
Tártip saqshylarynyń málimetinshe, quqyq buzýshylardyń basym bóligi Qazaqstanda bolý talaptaryn buzǵan. Sonymen qatar olardyń arasynda SQO aýmaǵy arqyly tranzıtpen ótý kezinde jyldamdyqty asyryp, avtomatty beınebaqylaý kameralaryna túsken júrgizýshiler de bar.
Qazirgi ýaqytta polıtseıler olardy anyqtap, aıyppuldy ýaqytyly tóleý qajettigi týraly habardar etip jatyr. Bul jumys «Boryshker» jedel-profılaktıkalyq is-sharasy aıasynda uıymdastyrylǵan.
Іs-sharanyń alǵashqy kúninde óńir polıtseıleri aıyppul boıynsha bereshegi bar 210 shetel azamatyn anyqtady. Olardyń barlyǵyna tıisti habarlamalar tabystaldy. Quqyq buzǵandyrdyń kópshiligi aıyppuldy sol jerde mobıldi aýdarym arqyly tólegen.
Tártip saqshylary zańnamaǵa sáıkes aıyppuldy alǵashqy jeti táýlik ishinde tólegen jaǵdaıda onyń tek 50% óteýge múmkindik bar ekenin eske salady. Osy merzim ótkennen keıin aıyppuldy tolyq kólemde erikti túrde tóleý úshin taǵy 30 kún beriledi. Tek osy ýaqyt aıaqtalǵan soń materıaldar jeke sot oryndaýshylaryna joldanady.
Polıtsııa qyzmetkerleri óńir turǵyndary men qonaqtaryn jol qozǵalysy erejelerin jáne zań talaptaryn qatań saqtaýǵa shaqyrady.
Mamandardyń aıtýynsha, mundaı jumystardyń basty maqsaty jazalaý emes, júrgizýshilerdiń tártibin kúsheıtý, jol qozǵalysy qaýipsizdigin qamtamasyz etý jáne qoǵamdyq qaýipsizdikti nyǵaıtý.
Buǵan deıin jolaqydan jaltarǵan jolaýshylar sany azaımaı turǵanyn jazǵan edik.
