SQO-da bir aıda jeti bala kókjótelge shaldyqqan

PETROPAVL. KAZINFORM – Soltústik Qazaqstan oblysynda byltyr kókjótel dıagnozy 120 balaǵa qoıyldy.

SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasovtyń aıtynsha, bıyl syrqattanǵandardyń bári – 14 jasqa deıingi balalar. Alty bala Petropavlda, bireýi - Aqqaıyń aýdanynda aýyrǵan. Olardyń eshqaısy kókjótelge qarsy egilmegen.

- Kókjótel – aýyz qýysynda, murynda jáne kómeıde ómir súretin Bordetella pertussis bakterııasy týdyratyn tynys alý joldarynyń óte juqpaly aýrýy. Negizinen balalar aýyrady.

Kókjóteldiń qozdyrǵyshy aýa arqyly taralady, naýqas jótelgende, túshkirgende, sóılegende enedi. Kókjótel asqynǵan jaǵdaıda ókpeniń qabynýyna, mıdyń zaqymdanýyna ákelýi múmkin. Kókjótelmen aýyratyn naýqastardy emdeýge arnalǵan dári-dármek joq, - deıdi Arman Kúshbasov.

Mamannyń aıtýynsha, kókjótelden qorǵanýdyń jalǵyz senimdi jáne tıimdi ádisi – vaktsınatsııadan ótý. Alǵashqy vaktsınatsııa nárestege 2, 3, 4 jáne 18 aıynda qoıylady. Keıin 6 jasta egiledi. 

- Kóp jyldyq tájirıbe egý jıiligi men egý aralyqtaryn saqtaý qajettigin kórsetip otyr. Eger osy jaǵdaılar saqtalsa, aǵzada kókjótel aýrýyna jetkilikti kúshti ımmýnıteti paıda bolady. Sondyqtan balańyzdyń densaýlyǵy sizdiń qolyńyzda ekenin umytpańyzdar. Vaktsınatsııadan bas tartpaı, ony ýaqtyly alýǵa jaǵdaı jasańyz, - deıdi Arman Kúshbasov. 

Buǵan deıin SQO-da múgedektigi bar balalarǵa arnalǵan ońaltý ortalyǵy ashylatyndyǵyn jazǵan edik.