SQO-da bir aptada «gonkong tumaýyn» juqtyrǵandar sany eki ese artty

PETROPAVL. KAZINFORM – Soltústik Qazaqstan oblysynda bir aptada tumaýdy jańadan 46 adam juqtyryp, dáriger kómegine júgindi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, A/H3N2 tıpti tumaýdy juqtyrǵandar sany 91–ge jetip otyr.

Ótken aptada JRVI-men 5889 adam aýyrǵan. Vırýsty juqtyrǵandar sany bir aptada 34 % artty. Desek te, mamandardyń aıtýynsha, ótken jyldyń uqsas kezeńimen salystyrǵanda syrqattanǵandar sany 3,4% tómen. Qazan aıynan bastap 24 myńnan astam adam aýyrsa, sonyń 68% - 14 jasqa deıingi balalar.

Dárigerler dene qyzýy kóterilip, álsizdik sezinseńiz, tamaq aýyryp, muryn bitelse, dárigerge kórinýge keńes beredi.

- Aýrý belgileri paıda bolǵan jaǵdaıda ózdiginen úıde emdelý qaýipti. Asqynǵan jaǵdaıda ókpe qabynýy múmkin. Sol sebepti emhanaǵa qaralǵan nemese úıge dárigerdi shaqyrǵan jón. Bala aýyrǵan jaǵdaıda vırýsty ári qaraı taratpaý úshin ony balabaqsha men mektepke jibermegen jón. JRVI-den qorǵaný úshin qoldy jıi jýyp, maska kııý qajet. Kisi kóp shoǵyrlanǵan jerlerge barmaǵan durys. Sondaı-aq bólmeni jıi jeldetip, taza ustaý kerek, - deıdi mamandar.

Buǵan deıin SQO-da «jedel járdem» dárigeri vırýs juqtyrǵan jaǵdaıda ne isteý kerektigin aıtqan edi.